жорық бекеті

(Походная застава)

жорықтағы әскерлерді күзету органы. Ж.б. күзетілетін лектердің кедергісіз жылжуын қамтамасыз ету, оны қарсыластың тұтқиылдан шабуылынан қорғау, жазылуға және ұрысқа кіруге қолайлы жағдайларды қамтамасыз ету мен қарсыластың жер үсті барлауының лекке енуін болдырмау мақсатында жіберіледі. Атқаратын тапсырмаларына байланысты Ж.б. басты, бүйірлік, тылдық болуы мүмкін. Басты Ж.б. алдыңғы жасақтан (авангардтан), сонымен қатар басты күштердің лек басында екі бағытта жылжитын бригададан (полктен) қозғалыс бағыты бойынша жасалынатын жорықтарда жіберіледі. Бүйірлік Ж.б. алдыңғы жасақтан (авангардтан) немесе тікелей басты күш бөлімдерінен 5 км қашықтықта бір немесе екі қапталға жіберіледі. Басты күштер лектерінің өтуі кезінде маңызды шептерді, командалық биіктіктерді, асуларды уақытша ұстап тұру және қапталдан қарсыластың оқыс шабуы-лын жібермеу қажет болғанда жылжымайтын бүйірлік бекеттер бөлінеді. Тылдық Ж.б. қарсыластың тылдан шабуыл жасау қатері жағдайларында жорықты жеке лекпен жасаушы немесе құрама (бөлім) легінің тұйықтаушы бөлімдерінен (бөлімшелерінен) жіберіледі. Әскерлер аялдағанда және демалысқа тоқтаған кездерде Ж.б. күзеттік қорғаныс міндетін атқарады. Ж.б. әдеттегі құрамына күшейтілген мотоатқыштар (танк) взводы немесе ротасы кіреді.